Теміртауда отпен ойнаған балалар бес қабатты үйді өртеп жіберді

Теміртауда бес қабатты үйде болған өрт кезінде жеті адам эвакуацияланды, деп хабарлады ТЖМ. Өрт қаланың 6-шағын ауданындағы бес қабатты тұрғын үйдің бірінші қабатындағы пәтерде шықты. Жиһаз бен тұрмыстық техника жанды.

ТЖМ қызметкерлері баспалдақ арқылы жеті адамды, оның ішінде төрт баланы эвакуациялады. Өртті сөндіру кезінде пәтерден газ баллоны шығарылды, бұл ықтимал жарылыстың алдын алды. Өрт қысқа мерзімде жойылды. Зардап шеккендер жоқ.

Алдын ала мәліметтер бойынша, өртке балалардың отпен ойнауы себеп болған. Пәтердің ас үйінде газ баллонына жалғанған электр плитасы болған. Анасының айтуынша, кіші ұлы электр плитаны қосқан, содан кейін ол қыза бастаған.

Болжам бойынша, бала отпен ойнап, қағазды немесе басқа да тез тұтанатын материалдарды өртей бастаған. Нәтижесінде ашық жалын шыққан. Қорыққан бала жанған қағазды еденге лақтырып жіберген, соның салдарынан кілем тұтанған. Осыдан кейін ол бөлмеден жүгіріп шығып, үлкен ағасы мен атасын оятқан.