АҚШ–та өтіп жатқан Футболдан әлем чемпионатында кезекті дау туды. Англия ұлттық құрамасының маңызды жаттығу құралдары мен ойыншылардың киімдері мен аяқ-киімдері қолды болды. Бұл туралы беделді Daily Mail және The Guardian басылымдары хабарлады.
Ұрылар не алып кетті
Оқиға құраманың жүктерін Флорида штатындағы Уэст-Палм-Бич қаласынан Канзас-Ситидегі базасына тасымалдау кезінде болған.
Жоғалған заттардың тізімінде:
Жұлдызды ойыншылардың бутсылары: Соның ішінде команда капитаны Хәрри Кейн мен жартылай қорғаушы Джуд Беллингемнің арнайы дайындалған аяқ киімдері бар.
Турнирдің ресми доптары, Негізгі жаттығу жабдықтары мен массаж үстелдері. Бас бапкер Томас Тухельдің тактикалық тақталары.
Полиция күдіктілерді қолға түсірді
Канзас-Сити полициясы бұл істі ерекше бақылауға алып, шұғыл тергеуді бастап кетті.
«Біз Канзас-Ситиге келген қызметтік көліктен құрал-жабдықтардың ұрлану фактісін зерттеп жатырмыз. Кейбір заттар шынымен де жоғалған. Қазіргі уақытта осы қылмысқа қатысы бар деген күдікпен екі адам ұсталды. Тергеу жалғасып жатыр.» делінген хабарламада.
Қазіргі уақытта Англия футбол қауымдастығы мен команда демеушілері футболшыларға дәл сондай бутсылар мен құралдарды жедел түрде АҚШ-қа жеткізу жағын ұйымдастырып жатыр.
Айта кетейік, Англияның алғашқы ойыны 17 маусымда Хорватияға қарсы өтеді.
Бұған дейін, турнир қожайыны АҚШ алғашқы ойынында Парагвайдың тас-талқанын шығарды.
