Әлем чемпионаты: Бразилия алғашқы ойында Мароккодан айласын асыра алмады

Бразилия құрамасы 2026 жылғы әлем чемпионатын тең ойынмен бастады. С тобының алғашқы турындағы Мароккоға қарсы кездесу 1:1 есебімен аяқталды.

Бразилиялықтар үшін турнирдің басы оңайға соқпады. Карло Анчелотти шәкірттері қарсыластың белсенді прессингіне тап болып, ойын тізгінін бірден қолға ала алмады.

Ойынның 21-минутында Марокколықтар есеп ашты. Браим Диастың пасын сәтті пайдаланған Исмаэль Сайбари допты Бразилия қақпашысы Алиссонның үстінен асыра тастап, гол соқты.

32 – минутта Бразилиялықтар үзіліске дейін таразы басын теңестіріп үлгерді. Қарсыластың қорғаныстағы қателігін мүлт жібермеген Винисиус Жуниор есепті 1:1 қылды.

Екінші таймда Бразилия қанша тырысқанымен, мароккалықтардың қорғанысы сыр берген жоқ. Осылайша, қос команда ұпай бөлісті.

Осы С тобындағы екінші матчта Гаити мен Шотландия құрамалары кездеседі.