Ниццадан Куршевельге дейін: 2030 жылғы қысқы Олимпиаданың мән-жайы белгілі болды
«Альп-2030» қысқы Олимпиада және Паралимпиада ойындарының ұйымдастыру комитеті жарыстың ресми логотиптері мен шрифтін таныстырып, шара өтетін орындарды жариялады. Ойындардың эмблемалары тау бейнесі мен жарық сәулесіне негізделген және екі жарыстың тең құқылы екенін білдіреді.
Жарыс кестесі мен қатысушылар:
- Қысқы Олимпиада: 2030 жылғы 1–17 ақпан аралығында өтеді.
- Қысқы Паралимпиада: 1–10 наурыз аралығында өтеді.
- Шараға 100 елден 3500-ден астам спортшы және 15 мың ерікті қатысады деп күтілуде.
Жарыс өтетін орындар: Ойындар Францияның төрт аймағында шоғырланады: Жоғарғы Савойя, Савойя, Бриансон және Ницца. Спортшылар үшін 5 олимпиадалық ауыл салынады, бұл олардың жарыс орнына 30 минутта жетуіне мүмкіндік береді. Жарыс нысандарының 93%-ы бұрыннан бар немесе уақытша болады.
- Жоғарғы Савойя: Шыңғыс жарысы және биатлон.
- Савойя: Тау шаңғысы, тұғырдан секіру, шаңғы қоссайысы, шана және бобслей (1992 жылғы Альбервиль Олимпиадасының нысандары пайдаланылады).
- Бриансон: Фристайл және сноуборд.
- Ницца (Жерорта теңізі жағалауы): Хоккей, мәнерлеп сырғанау, шорт-трек және кёрлинг. Сондай-ақ мұнда баспасөз орталығы орналасады және Олимпиада тарихында тұңғыш рет стадионнан тыс жерде — атақты Англия жағалауында Жабылу салтанаты өтеді.
Конькимен жүгіру спорты бойынша жарыстар жаңа нысан салынбауы үшін Франциядан тыс жерде өтеді (ел әлі белгісіз). Ашылу салтанатының орны да әлі нақтыланған жоқ.
Қазақстан құрамасы Олимпиада жолдамаларын иеленсе, жарыстардың барлық төрт кластерінде де өнер көрсетеді. Қатысатын отандық спортшылардың нақты саны 2029 жылдың соңында, іріктеу кезеңдері аяқталғанда белгілі болады.
Биыл Парижде Михаил Шайдоров Қазақстан тарихында тұңғыш рет мәнерлеп сырғанаудан Олимпиада чемпионы атанды.
