Қазақстан бала құқықтары жөніндегі рейтингтің көшбасшылары қатарында

Қазақстан KidsRights 2026 Жаһандық бала құқықтары индексінде 0,797 ұпай жинап, 24-орынға ие болды. Бұл нәтиже елге балалардың құқықтарын сақтау және әл-ауқатының деңгейі бойынша әлемдегі ең үздік 25 мемлекеттің қатарына кіруге мүмкіндік берді.

Индексті Роттердамдағы Эразмус университеті KidsRights халықаралық ұйымымен бірлесіп дайындаған. Зерттеуде БҰҰ-ның Бала құқықтары туралы конвенциясына қатысушы 194 ел қамтылған. Бағалау бес бағыт бойынша жүргізіледі: өмір сүру, денсаулық, білім беру, қорғау және қолайлы орта.

Рейтингтің көшбасшысы болып 0,871 ұпайлық көрсеткішпен Нидерланды қалып отыр. Қазақстан 24-орынға тұрақтап, Шығыс Еуропа, Кавказ және Орталық Азияның бірқатар мемлекеттерін артқа тастады.

Өңірлік тұрғыда позициялар келесідей бөлінді: Молдова – 32-орын, Украина – 36-орын, Грузия – 51-орын, Әзербайжан – 60-орын, Армения – 70-орын. Қырғызстан 82-орынға, Тәжікстан – 92-орынға, Өзбекстан – 96-орынға ие болды.

Айта кету керек, индекс 2013 жылдан бері жарияланып келеді және әлеуметтік әрі білім беру бағдарламаларын әзірлеуде үкіметтер мен халықаралық ұйымдар үшін бағдаршамға айналып үлгерді.