ТЖМ Алматыдағы гидрологиялық жағдайға баға берді

Алматыдағы гидрологиялық жағдай тұрақты болып қалады және тұрақты бақылауда, деп хабарлады Төтенше жағдайлар министрлігі.

Ведомствоның мәліметінше, қолайсыз ауа райы жағдайларына байланысты халықтың қауіпсіздігін қамтамасыз ету үшін алдын ала кешенді превентивті іс-шаралар жүргізілген.

«Халықты құлақтандыру, халықты қабылдау пункттерін дайындау және құтқарушылар мен құралдарды жоғары дайындық режиміне келтіру тек гидрологиялық жағдайдың ықтимал нашарлауы жағдайына ғана жүзеге асырылды. Наурызбай ауданындағы өзен арнасының бойында тұратын тұрғындарды эвакуациялау талап етілген жоқ», – деп хабарлады ТЖМ-нен.

Мамандар тәулік бойы өзендердегі су деңгейін және сел қаупі бар учаскелердің жай-күйін қадағалап отыр.

Ведомствода атап өткендей, оқиға орнында «Қазселденқорғау» мамандары жұмысын жалғастыруда. Олар гидрологиялық жағдай мен ықтимал қауіпті учаскелерге үздіксіз мониторинг жүргізіп жатыр.

ТЖМ күштері мен құралдары, сондай-ақ азаматтық қорғау қызметтері жоғары дайындық режимінде қалады. Жағдай өзгерген жағдайда олар жедел әрекет етуге дайын.

Айта кетейік осыған дейін өзендегі судың көп болуына байланысты Қаскелең шатқалындағы көпірге зақым келгені туралы жазған едік.