ЮНЕСКО-да қазақстандықтарды Ұлттық Домбыра күнімен құттықтады. Ұйым Қазақстанның мәдени өзін-өзі көрсетудің осы құнды формасын сақтау жөніндегі күш-жігерін жоғары бағалайтынын және құптайтынын атап өтті.
«Бұл бірегей музыкалық дәстүр адамдарды өз тарихымен, бірегейлігімен және бір-бірімен байланыстырады. ЮНЕСКО Қазақстандағы домбыраға деген ерекше көзқарасты жоғары бағалайды және осы баға жетпес мұраны сақтау мен ұрпақтан-ұрпаққа беруге бағытталған күш-жігерді құптайды» – деді ЮНЕСКО Бас директорының мәдениет мәселелері жөніндегі орынбасары Найеф әл-Файез.
Еске сала кетейік, домбырада күй тарту өнері 2014 жылдан бастап Адамзаттың материалдық емес мәдени мұрасының репрезентативтік тізіміне енген.
Домбыра ЮНЕСКО-да қазақстандық дипломаттар ұйымдастыратын іс-шараларда тұрақты түрде шырқалып, көптеген халықаралық аудиторияның назарын аударып келеді.
Мәселен, өткен жылы көрнекті домбырашы, дирижер және композитор Нұрғиса Тілендиевтің 100 жылдығына орай штаб-пәтерде Ықылас Дүкенұлы атындағы Халық музыкалық аспаптары мұражайының коллекциясынан көрме және «Отырар сазы» оркестрінің үлкен концерті өтті.
Бүгін президент Қасым-Жомарт Тоқаев қазақстандықтарды Ұлттық Домбыра күнімен құттықтап, республикадағы әрбір шаңыраққа бейбітшілік, бақыт пен бақ-береке тіледі.
