Дастан Сәтбаев «Челси» сапында Хаби Алонсомен алғашқы жаттығуын өткізді
«Қайрат» академиясының түлегі Дастан Сәтбаев лондондық «Челсидің» Кобхэмдегі жаттығу базасында негізгі құраммен бірге алғашқы жаттығуын өткізді.
Дастан маусымаралық дайындықты бірден әлемдік деңгейдегі жұлдыздармен және жаңа бас бапкер Хаби Алонсомен бастады.
Хаби Алонсоның алғашқы тактикалық сабағы
Ойыншылар жасыл алаңда доппен жұмыс істеп, тактикалық схемаларды пысықтады. Сондай-ақ, бұл жаттығу «Челсидің» тізгінін ұстаған танымал маман Хаби Алонсо үшін өз идеяларын, ойын стилі мен философиясын командаға алғаш рет түсіндіруге тамаша мүмкіндік болды.
Дастанмен қатар бұл жаттығу жиынына Лэндон Эменало, Райан Кавума-Маккуин, Махди Никол-Джазули, Кальвин Диаките және Реджи Уолш сынды басқа да дарынды жастар шақырылды.
«Челсидің» әлеуметтік желідегі парақшасында отандық жанкүйерлер пікірлерді жаудыра жазып жатыр.
Бұған дейін, Дастан Сәтбаев Лондонға барып, алғаш «Челсиге» қосылғанда, Қайрат Боранбаевтың өзі барып, жас футболшыға қолдау көрсетіп қайтты.
