Алматыда СОБР сарбаздары көлікті өрттен құтқару үшін су себетін машинаны тоқтатты
Қызметке бара жатқан жолда жедел әрекет ету арнайы жасағының (ЖҚЖБ) қызметкерлері күтпеген жерден құтқарушыларға айналды. Лаулап жатқан көлікті сөндірудің әсерлі кадрларымен Алматы қалалық полиция департаменті бөлісті.
Ведомствоның мәліметінше, жанып жатқан жеңіл көлікті көрген ЖҚЖБ сарбаздары қауіпті учаскедегі қозғалысты бұғаттап, адамдарды қауіпсіз қашықтыққа шығарған, содан кейін сөндіруге кіріскен.
Көліктегі өртсөндіргіш дәрменсіз болып шықты. Жалын тез өршіп кетті. Сол кезде сарбаздар стандартты емес шешім қабылдады: қасынан өтіп бара жатқан су себетін (көше жуатын) машинаны тоқтатып, отты басу үшін оның су қорын пайдаланды.
«Нәтижесінде ешкім зардап шеккен жоқ, сонымен бірге, өрттің таралуына және ықтимал ауыр зардаптарға жол берілмеді», – деп нақтылады департамент.
Айта кетейік, 19 маусым күні кешке Ақтөбе қаласындағы автогаз құю станциясының аумағында жеңіл автомобиль өртеніп, 3 адам тірідей жанып кетті.
