ФИФА рейтингіндегі Қазақстан құрамасының орны жарияланды

Халықаралық футбол федерациясы (ФИФА) 2026 жылғы әлем чемпионатынан кейін ұлттық құрамалардың жаңартылған рейтингін жариялады.

Sports.kz хабарлауынша, Қазақстан құрамасы бұрынғыдай 111-орында қалды.

Жаңартылған рейтингте Қазақстан құрамасының еншісінде 1180,78 ұпай бар.

Наурыз айында қазақстандық футболшылар FIFA Series 2026 турнирінде сәтті өнер көрсетіп, Намибияны 2:0, ал Комор аралдарын 1:0 есебімен жеңген болатын.

Маусым айында ұлттық құрама екі жолдастық кездесу өткізді. Алдымен Армениямен 1:1 есебімен тең түссе, кейін Венгриядан 1:3 есебімен жеңілді.

Венгриядан жеңілгеннен кейін Қазақстан құрамасы 2,26 ұпайынан айырылғанымен, әлемдік рейтингтегі 111-орнын сақтап қалды.