Қазақстан Қашаған кен орны операторының активтерін бұғаттады

Қазақстан ең ірі мұнай кен орны Қашағанды игерумен айналысатын North Caspian Operating Company (NCOC) халықаралық консорциумының мүлкі мен көлігін бұғаттады. Бұл туралы Reuters агенттігі Қазақстан Әділет министрлігінің Атқарушылық іс жүргізу органдарының автоматтандырылған ақпараттық жүйесінің мәліметтеріне сілтеме жасап хабарлады.

Жарияланған ақпаратқа сәйкес, іс жүргізу 21 шілдеден бастап орындалуда. Сонымен қатар, құжатта нақты қандай активтер мен көлік құралдарының тұтқындалғаны нақтыланбаған.

Құрамына Shell, Eni, TotalEnergies және Exxon Mobil кіретін NCOC консорциумы Reuters агенттігінің түсініктеме беру туралы сұрауына жауап бермеген.

Экологиялық айыппұл төңірегіндегі дау Қазақстан мен Қашаған операторы арасындағы жанжал 2023 жылдан бері жалғасып келеді. Сол кезде республика үкіметі NCOC-тан күкірттің нормадан тыс көлемін сақтағаны үшін 2,3 трлн теңге төлеуді талап еткен. Консорциум қойылған талаптарды мойындаудан бас тартты, содан кейін дау халықаралық арбитраждың қарауына берілді.

Шілде айында Қазақстан билігі экологиялық айыппұлды өндіріп алуды жалғастыра беретінін мәлімдеді. Өз кезегінде NCOC тараптардың бұдан былайғы іс-әрекеттері арбитраждық талқылау аясында жүзеге асырылуы тиіс екенін атап өтті.