Қырғызстанда автокөлік отынының бағасы тағы өсті. Ең қатты қымбаттағаны — АИ-95 бензині. Бішкектегі жанармай құю бекеттерінде оның бір литрі 109,9 сомға, яғни шамамен 598 теңгеге жеткен.
Аз ғана уақыттың ішінде АИ-95 бағасы 10–12 сомға немесе шамамен 54–64 теңгеге көтерілді. Бұл үш күн ішіндегі 10,4 пайыздық өсім.
2026 жылғы 22–23 шілдедегі жағдай бойынша Бішкектегі жанармай бағалары мынадай:
Бішкектегі жанармай бағасы:
- АИ-100 — 149,9 сом (815 теңге);
- АИ-95 — 109,9 сом (598 теңге);
- B-Power — 86,4 сом (470 теңге);
- АИ-92 — 84,9 сом (462 теңге);
- дизель отыны — 98,3 сом (535 теңге);
- сұйытылған газ — 47,7 сом (259 теңге).
АИ-95 бағасы аз уақыттың ішінде 10–12 сомға, яғни шамамен 54–65 теңгеге қымбаттаған.
Бұған дейін жүргізушілер АИ-95 бензинін 85–98 сомға немесе шамамен 462–533 теңгеге сатып алып жүрген.
Соңғы аптада АИ-92 бағасы 2–2,3 сомға, яғни 11–13 теңгеге, ал дизель отыны 2 сомға немесе шамамен 11 теңгеге өсті.
АИ-92 мен дизель әлеуметтік маңызы бар тауарлардың қатарына жатады. Сондықтан олардың бағасын Қырғызстан билігі әлі де бақылауда ұстап отыр.
АИ-95 неге бірден қымбаттады?
2026 жылғы шілденің басында АИ-95 бензині мемлекеттік баға реттеу тізімінен шығарылды. Баға нарыққа жіберілгеннен кейін оның құны бірден 10–12 сомға көтерілген.
Бұған дейін жүргізушілер АИ-95-тің бір литрін 85–98 сомға, яғни шамамен 456–525 теңгеге сатып алып жүрген еді. АИ-95-тен кейін АИ-100 бензинінің бағасы да өсіп, бір литрі 149,9 сомға немесе 804 теңгеге жуықтады.
Баға ғана емес, бензиннің өзі де тапшы
Бішкек пен Қырғызстанның бірқатар өңіріндегі жүргізушілер АИ-95 бензинінің уақытша тапшылығын айтып отыр. Кейбір жанармай бекеттерінде бұл марка мүлде жоқ. Ал жекелеген бекеттер тек бір ғана отын түрін, мысалы дизельді сатып жатыр.
