Си Цзиньпин шетелдегі қандастарын Қытайдың қуатын арттыруға шақырды

Си Цзиньпин шетелде тұратын қытай азаматтарына, тарихи отанына оралған қандастарға және олардың туыстарына үндеу жасады.  

Синьхуа агенттінің ақпаратынша, Қытай төрағасы оларды Қытайды қуатты мемлекетке айналдыруға және қытай ұлтының жаңғыруына үлес қосуға шақырды.

Дүйсенбі мен сейсенбі күндері Бейжіңде шетелдегі қытайлармен жұмысқа арналған жалпықытайлық кеңес өтті. Жиында Си Цзиньпиннің осы салаға қатысты маңызды нұсқаулары жарияланды.

Ресми мәліметке сәйкес, бүгінде әлемнің 200-ге жуық елі мен өңірінде 60 миллионнан астам қытай тұрады. Сонымен қатар Қытайға шетелден 40 миллионнан астам азамат оралған.

Си Цзиньпин Қытай Коммунистік партиясы Орталық комитетінің Бас хатшысы әрі Орталық әскери кеңестің төрағасы қызметтерін де атқарады.

Сондай-ақ, Қытай төрағасының АҚШ-қа қашан баратыны мәлім болды.