Аңызға айналған «Сұлтан Сүлеймен» сериалында басты рөлді сомдап, миллиондаған көрерменнің сүйіктісіне айналған әйгілі актер Халит Эргенч Қазақстанға келеді.
Түрік киножұлдызымен шығармашылық фан-кездесу 14 қыркүйекте сағат 19:00-де Алматы қаласындағы Республика Сарайында өтеді.
Актердің өзі де қазақстандық жанкүйерлеріне арнайы бейнеүндеу жолдап, қуанышын жасырмады:
«Сәлем, Қазақстан! 14 қыркүйек сағат 19:00-де Алматыдағы Республика сарайында кездесеміз. Тағатсыздана күтемін. Кедескенше!» – деді актер өз хабарламасында.
Кеште көрермендер Халит Эргенчпен ашық әңгімелесіп, актердің шығармашылық жолы мен қызықты сәттері туралы біле алады. Сондай-ақ, белгілі Symphosaz этно-симфониялық оркестрінің сүйемелдеуімен түрік сериалдарының сүйікті саундтректері шырқалады.
View on Threads
Билеттерді Ticketon.kz сайтынан сатып алуға болады.
Оқи отырыңыз: Сұлтан Сүлеймен мен Хюррем 15 жылдан кейін жаңа жобада бас қоспақ
