Қазақстан қаржыгерлер қауымдастығының мәліметінше, 2026 жылдың алғашқы жартысында KASE мен AIX биржаларындағы сауда көлемі шамамен 50%-ға өсті. Жоғары пайыздық мөлшерлемеге қарамастан, акциялар мен облигацияларға сұраныс сақталған.
Алты айда KASE индексі 10%-ға, AIXQI 13%-ға көтерілді. Акциялар нарығының капиталдануы 18,8%-ға артты.
Ең жоғары өсімді шикізат секторындағы компаниялар көрсетті. «ҚазМұнайГаз» акциялары 56%-ға, CORE 29%-ға, «Қазатомөнеркәсіп» 22%-ға, «ҚазТрансОйл» 19%-ға қымбаттады.
Шетелдік инвесторлар да Қазақстанның мемлекеттік облигацияларына қызығушылық танытқан. Олардың салымы 28,3%-ға өсіп, 2,5 трлн теңгеге жетті.
Корпоративтік облигациялар көлемі 15,8%-ға артқанымен, компаниялар үшін нарықтан қарыз алу әлі де қымбат. Облигациялардың орташа кірістілігі 16,5% деңгейінде қалды.
Сонымен қатар KASE-ге 29 жаңа эмитент пен 174 қаржы құралы, ал AIX-ке 53 эмитенттің 74 жаңа листингі қосылды.
