Құрылтай сайлауы бюллетені қандай болады (фото)

Орталық сайлау комиссиясы Құрылтай сайлауында дауыс беруге арналған бюллетеньді таныстырды.

Бюллетеньде сайлауға қатысатын жеті саяси партияның атауы жазылған. Олар:

• «Әділет» партиясы,
• Жалпыұлттық социал-демократиялық партия,
• Қазақстанның «Байтақ» жасылдар партиясы,
• Қазақстан Халық партиясы,
• «Ауыл» партиясы,
• «Ақ жол» Қазақстанның демократиялық партиясы,
• «Respublica» партиясы.

Сонымен қатар сайлаушылар үшін «Бәріне қарсымын» деген жеке таңдау нұсқасы да қарастырылған.

Айта кетейік, сайлау алдындағы үгіт-насихат 23 шілде 18:01-де басталды, 22 тамыз 00:00-ге дейін жалғасады.

• 22 тамыз – тыныштық күні.
• 23 тамыз – сайлау күні.

Дауыстарды санау және дауыс беру нәтижелері туралы хаттаманы толтыру жергілікті уақыт бойынша сағат 20:00-де басталады.