Қазақстан Өзбекстанның ең ірі үш сауда әріптесінің қатарына енді

2026 жылдың бірінші жартыжылдығының қорытындысы бойынша Қазақстан мен Өзбекстан арасындағы тауар айналымының көлемі 2,8 млрд долларды құрады.

Өзбекстанның Ұлттық статистика комитетінің мәліметінше, 2026 жылдың алғашқы алты айында республика әлемнің 195 елімен сауда-саттық қарым-қатынас жүргізген. Негізгі сауда әріптестерінің рейтингінде Қытай ($9,5 млрд), Ресей ($7 млрд) және Қазақстан ($2,8 млрд) көш бастап тұр.

Бұдан бөлек, Өзбекстанның ең ірі он сауда әріптесінің қатарына Туркия ($1,4 млрд), Ауғанстан ($1,1 млрд), Оңтүстік Корея ($940 млн), Франция ($890,9 млн), БАӘ ($807,7 млн), Қырғызстан ($624,6 млн) және Германия ($623,2 млн) енді.

Бұған дейін Қазақстанның Орталық Азия елдерімен саудасы 28,9%-ға өсіп, рекордтық 4,2 млрд долларға жетті.