Патруль көлігін зақымдаған жезқазғандық 20 тәулікке қамауға алынды
Жарияланды
Жезқазғанда патрульдік полиция көлігін зақымдаған жергілікті тұрғын әкімшілік жауапкершілікке тартылды. Бұл туралы соттың баспасөз қызметі хабарлады.
Сотта анықталғандай, қала тұрғыны полиция қызметкерінің заңды талабына бағынбаған. Кейін ол патрульдік көліктің терезесін сындырған.
Ер адам бөтеннің мүлкін қасақана бүлдіргені үшін кінәлі деп танылды.
Жаза тағайындау кезінде сот оның кінәсін мойындап, жасаған ісіне өкінгенін жеңілдететін мән-жай ретінде ескерді. Ал құқыққа қайшы әрекетін жалғастыруы жауапкершілікті ауырлататын мән-жай деп танылды.
Нәтижесінде құқық бұзушыға 20 тәулікке әкімшілік қамау жазасы тағайындалды.
