Президент ОСК төрағасымен Құрылтай сайлауына дайындық барысын талқылады

Президент Қасым-Жомарт Тоқаев Орталық сайлау комиссиясының төрағасы Нұрлан Әбдіровпен кездесіп, 2026 жылғы 23 тамызға белгіленген Құрылтай депутаттарының сайлауына дайындық барысын талқылады. Бұл туралы Ақорданың баспасөз қызметі хабарлады.

Кездесу барысында Нұрлан Әбдіров Президентке алдағы дауыс беру шараларына жүргізіліп жатқан дайындық жұмыстары туралы баяндады.

Қасым-Жомарт Тоқаев бұл сайлау науқанының елдің қоғамдық-саяси өміріндегі айрықша маңызын атап өтті. Мемлекет басшысы сайлауды «Заң мен Тәртіп» қағидаттарына сай өткізудің, сайлау процесінің ашықтығын және барлық қатысушылар үшін тең жағдай қамтамасыз етудің маңыздылығын баса айтты.

Бұған дейін президент Ұлттық банк төрағасы Тимур Сүлейменовті қабылдап, 2026 жылдың қаңтар-шілде айларындағы ақша-кредит саясатының қорытындылары туралы есебін тыңдаған.