Жамбылда тойдан кейінгі атысқа қатысқан 5 адам 17 жылға сотталды

Жамбыл облысының қылмыстық істер жөніндегі мамандандырылған ауданаралық соты екі ауыл тұрғындары арасындағы қақтығысқа қатысқан 10 адамға қатысты үкім шығарды, деп хабарлайды Кursiv.Media.

Жанжал 2025 жылдың шілдесінде Шу қаласындағы ресторандардың бірінде өткен тойда басталған. Күшаман мен Мойынқұм ауылдарының тұрғындары сөзге келісіп, бұл соңы бұзақылыққа ұласқан. Артынша 29 шілдеде Мойынқұм ауылында тараптар қайта кездесіп, қару қолданған.

Атыс салдарынан аудандық ауруханаға 4 адам жеткізілді:

• 28 жастағы азамат: Бас-ми жарақатын алып, басына, кеудесіне резеңке оқ тиген, сондай-ақ сан тұстарынан пышақ жарақаттарын алып, реанимацияға түсті.
• 26 жастағы азамат: Сол жақ білегі мен қос санынан оқ жарақатын алып, реанимацияға орналастырылды.
• Қалған 2 азамат: Бас және қол жарақаттарымен хирургия бөліміне жатқызылды.

Сот анықтағандай, атыстан кейін қылмыстық топ жанжалға қатысушылардың бірін алып қашып, оны өмірден айыруға әрекеттенген. Алайда өздеріне байланысты емес жағдайларға байланысты бұл қылмысты аяғына дейін жеткізе алмаған.

Сот үкімімен 10 айыпталушы да айыпты деп танылды, 5 айыпталушы — 17 жылға бас бостандығынан айырылды, 2 айыпталушы — тиісінше 9 және 8 жылға сотталды, 3 айыпталушы (ауыр қылмысты хабарламағаны үшін) — 2 жылдан астам мерзімдерге мерзімді жаза алды.