Ақмола облысындағы станцияда ер адам вагон астына түсіп кетті

Ақмола облысы Красивое ауылының теміржол станциясында ер адам қозғалып бара жатқан вагонның астына түсіп, ауыр жарақаттар алды, деп хабарлайды Кursiv.Media.

Оқиға туралы @nayza_kokshe паблигі хабарлады. Алдын ала болжам бойынша, ер адам вагон қозғала бастаған сәтте теміржол рельсінде болған. Қаз-қалпында не болғанын және оның неліктен құрамның жанында жүргенін қазір тергеушілер анықтап жатыр.

Зардап шегушінің екі қолы да ауыр жарақаттанып, көп қан жоғалтқаны хабарланды. Ол Есіл аудандық ауруханасына жеткізілді. Ер адамның жергілікті тұрғын емес екені белгілі. Ол көрші өңірден іссапармен келген.

Бұл оқиғаға қатысты Ақмола облыстық көліктегі полиция департаменті пікір білдірді.

«Ағымдағы жылдың 27 тамызында теміржол көлігінің қозғалысы мен оны пайдалану қауіпсіздігі қағидаларын бұзу фактісі бойынша Көкшетау станциясындағы көліктегі полиция бөлімі қылмыстық іс қозғады. Қазіргі уақытта іс бойынша қажетті тергеу әрекеттері жүргізілуде. ҚР ҚПК-нің 201-бабына сәйкес өзге ақпарат жария етуге жатпайды», – деп хабарлады департамент.