Түрмедегі Николас Мадуро немерелеріне сәлем жолдады

Нью-Йорк түрмесінде жатқан Николас Мадуро телеграм-арнасына суреттерін жүктеп, отбасына, немерелеріне сәлем жолдады.

«Немерелеріме, кішкентай ұл мен қыздарға, бізді жақсы көретін барша мейірімді ұлдарға осы суретті сыйлық ретінде жариялап отырмын. Біз әлі де аяғымызға нық тұрмыз, жүрегіміз махаббатқа толы», – деп жазған ол телеграм парақшасына.

CBS News жазуынша, фотосуреттер жексенбі, 30 тамыз күні жарияланған. Алайда бейнебақылау камераларындағы деректерге сәйкес, 25 маусымда түсірілген. Айта кетейік, сол күндері Венесуэлада 6500-ден астам адамның өмірін қиған алапат жер сілкінісі болған еді.

«Біз мықты, сабырлы әрі сенімді боламыз. Құдай бізбен бірге. Құдай бізге қамқор болады. Венесуэла қайта жаңғырады», – деп жазған сөз соңында Мадуро.

Еске салайық, Мадуро мен оның әйелін америкалық арнайы күштер 3 қаңтарға қараған түні Каракастағы резиденциясынан ұрлап әкеткен. Бесінші қаңтарда сот болып, «есірткі терроризмі», кокаин сату, сондай-ақ «АҚШ-қа зиян келтіру үшін» қару-жарақ пен жарылғыш заттарды ұстады деп айып тағылды.