Астанада бірнеше аялдаманың атауы өзгертілді

Астанада үш қоғамдық көлік аялдамасының атауы өзгертілді. Бұл туралы City Transportation City хабарлады.

Теміржол вокзалының маңында орналасқан «Тынышбайұлы көшесі» аялдамасы енді «Jibek Joly» СОО деп аталады. Бұл аялдамада №11, 21, 32, 48, 50, 57 және 65 бағыттағы автобустар тоқтайды.

«Астана сәні» аялдамасының атауы «Dauletti qalashyq» ТК болып өзгертілді. Мұнда да №11, 21, 32, 48, 50, 57 және 65 бағыттары қатынайды.

Ал «ЖК Bright Star» аялдамасы енді «№106 жайлы орта мектеп» деп аталады. Бұл аялдама арқылы №2, 13, 32, 49, 50 және 73 бағыттағы автобустар жүреді.

Еске салайық, 3 қыркүйекте Астанада әлемге әйгілі әнші Enrique Iglesias-тің концерті өтеді. Осыған байланысты «Астана Арена» стадионы маңындағы жолдарда көлік қозғалысына уақытша шектеу енгізіледі.