Тоқаев Норвегия королі VIII Хоконды таққа отыруымен құттықтады
Президент Қасым-Жомарт Тоқаев Норвегия королі VIII Хоконға таққа отыруына байланысты арнайы құттықтау жеделхатын жолдады, деп хабарлайды Kursiv.Media Ақордаға сілтеме жасап.
Тоқаев хатында тарихи оқиғаның Норвегия монархиясы мен халқы үшін маңыздылығын атап өтті.
«Бұл айтулы күн сабақтастықтың, бірлік пен ұлттық бірегейліктің ажырамас бөлігі саналатын сан ғасырлық Норвегия монархиясының тарихындағы жаңа кезеңге жол ашады. Сіздің қалтқысыз қызметіңіз мемлекетті одан әрі өркендетіп, халықтың игілігін арттыра беретініне сенімім кәміл», – делінген құттықтауда.
Сонымен бірге президент екі ел арасындағы достық қарым-қатынастар мен серіктестікке тоқталып, ортақ күш-жігердің арқасында Қазақстан мен Норвегия арасындағы ынтымақтастық алдағы уақытта да нығая беретініне сенім білдірді.
Еске сала кетейік, бұған дейін Норвегия королі Харальд V 89 жасында қайтыс болып, Осло қаласында қоштасу рәсімі өткен еді.
