Астана, Алматы және Шымкентте 12–14 қыркүйек күндері ауа райы қандай болады

«Қазгидромет» синоптиктері Астана мен республикалық маңызы бар қос қала тұрғындарына 2026 жылдың 12–14 қыркүйек аралығына арналған ауа райы болжамын ұсынды. Алдағы демалыс күндері солтүстікте күзгі жаңбыр мен дауылды жел күтілсе, оңтүстік өңірлерде жылы әрі жауын-шашынсыз ауа райы сақталады.

Астана: Жаңбыр, найзағай және қатты жел

Елордада алдағы үш күнде күн райы құбылмалы болады. Синоптиктердің болжамынша, қалада кей уақыттарда жаңбыр жауып, найзағай ойнайды.

12 қыркүйек: Көшпелі бұлтты, кей уақыттарда жаңбыр жауып, найзағай ойнайды. Таңертең және күндіз желдің екпіні 15–20 м/с-қа дейін күшейеді. Ауа температурасы түнде +14…+16 °С, күндіз +20…+22 °С.

13 қыркүйек: Көшпелі бұлтты, кей уақыттарда жаңбыр, найзағай. Күндіз желдің екпіні 23 м/с-қа дейін жетеді. Ауа температурасы түнде +12…+14 °С, күндіз +19…+21 °С.

14 қыркүйек: Көшпелі бұлтты, жаңбыр және найзағай сақталады. Жел екпіні 15–20 м/с. Термометр бағаны түнде +10…+12 °С-қа дейін төмендеп, күндіз +16…+18 °С көрсетеді.

Алматы: күн ашық

Алматы тұрғындары мен қала қонақтарын демалыс күндері жауын-шашынсыз, жылы ауа райы күтіп тұр.

12 қыркүйек: Көшпелі бұлтты, жауын-шашынсыз. Күндіз желдің екпіні 15–18 м/с-қа дейін күшеюі мүмкін. Ауа температурасы түнде +19…+21 °С, күндіз +30…+32 °С.

13–14 қыркүйек: Көшпелі бұлтты, жауын-шашынсыз. Әлсіз жел соғады. Түнде ауа температурасы +17…+19 °С, күндіз +29…+31 °С аралығында болады.

Шымкент: Жауын-шашынсыз жаймашуақ күндер

Шымкентте үш күн бойы күн ашық болып, жаздың жайлы табы сақталады.

12 қыркүйек: Көшпелі бұлтты, жауын-шашынсыз. Желдің жылдамдығы 8–13 м/с. Ауа температурасы түнде +17…+19 °С, күндіз +28…+30 °С.

13 қыркүйек: Көшпелі бұлтты, жауын-шашынсыз. Ауа температурасы түнде +13…+15 °С, күндіз +29…+31 °С.

14 қыркүйек: Көшпелі бұлтты, жауын-шашынсыз. Түнде термометр бағаны +16…+18 °С, күндіз +30…+32 °С-қа дейін көтеріледі.