Тоқаев Елена Рыбакинаны US Open турниріндегі жеңісімен құттықтады

Президент Қасым-Жомарт Тоқаев қазақстандық теннисші Елена Рыбакинаны теннистен АҚШ Ашық чемпионатындағы (US Open) жарқын жеңісімен арнайы құттықтады, деп хабарлайды Kursiv.Media Ақордаға сілтеме жасап.

Тоқаев өз құттықтауында спортшының жоғары шеберлігі мен ел спорты үшін атқарған еңбегін ерекше атап өтті.

«Бұл – Сіздің әлемнің бірінші ракеткасы атағына лайық екеніңізді растайтын тамаша табыс. Сіз тағы да асқан шеберлік пен табандылық танытып, жоғары мәдениетіңізбен көпшілікті тәнті еттіңіз. Қазақстан халқы жетістіктеріңізді мақтан тұтады. Ерен жеңісіңіз жаңа белестерді бағындыруға жол ашсын! Сіздің кәсібилігіңіз Қазақстанның жас теннисшілері үшін үлгі-өнеге», – делінген президент жеделхатында.

Еске сала кетейік, бұған дейін де турнир барысында Елена Рыбакина WTA рейтингінде жекелей сында көш бастап, «Әлемнің бірінші ракеткасы» атанған тарихи сәтте Қасым-Жомарт Тоқаев теннисшіге арнайы құттықтау жолдап, ізгі тілегін білдірген болатын.