Қуаныш Бейсек «Мәдениет» атты жаңа журнал шығарды

Белгілі режиссер Қуаныш Бейсек және оның командасы «Madeniet» атты жаңа журнал шығармақшы деп хабарлайды Kursiv Media.

15 қыркүйекте «Целинный» орталығында журналдың тұсауы кесіліп, таныстырылымын жасады.

Алғашқы нөмірі «7 қарақшы» фильміне арналған. Мұқабаға да картинадағы актерлік құрамды шығарған. Олардың қатарында Еркебұлан Дайыров, Азат Жұмәділ, Индира Сабирова, Шұғыла Ешенова және басқалары бар. Қазақ-вестерн жанрындағы фильмнің режиссері – Қуаныш Бейсек, 24 қыркүйекте көрерменге жол тартады.

Ал журналдың артқы мұқабасы стэндаперлерге берілген. Руслан Тай, Аңсаған Тілеген және актер, блогер Алмаз Мержақыпов орналасқан. Журналдың бір бөлімі де стэндап-фестивальге арналған.

Басылым жақын күндері сатылымға шығуы керек.

Айта кетейік, бұған дейін Қуаныш Бейсек «Алдар мен Көсе» толықметражды мультфильмін шығаратынын хабарлаған еді.