Ақ үй Trump TV атты телеарна ашты

Ақ үй мемлекеттік арна – TRUMP TV: The Essentials Station онлайн-трансляциясын іске қосты деп хабарлайды Kursiv.Media.

АҚШ президенті Дональд Трамп әкімшілігі мен бірқатар америкалық бұқаралық ақпарат құралдары арасындағы қақтығыс аясында мемлекеттік телеарна ашылған.

Эфир сипаттамасына сәйкес, трансляция жергілікті уақыт бойынша 21 қыркүйекте басталды. Ақ үйдің сайтында жаңа онлайн-арна Трамп әкімшілігінің жұмысы туралы материалдарды бір эфирге біріктіретіні айтылған.

22 қыркүйекте The Daily Wire басылымы CNN, NBC, ABC, CBS және Fox News телеарналары АҚШ көшбасшысының CNN, MS Now телеарналары мен Politico басылымына Ақ үйге баруға тыйым салғанына байланысты оның қатысуымен өтетін іс-шараларды көрсетуді тоқтатқанын жазды.

Басылым мәліметінше, соның салдарынан Трамптың БҰҰ Бас Ассамблеясына сапары түсірілім тобынсыз өтуге тиіс.

Сол күні Трамп Ақ үйге бару мүмкіндігін қайтаруды талап еткен CNN, MS Now телеарналары мен Politico басылымының сотқа арыздануына қатысты апелляция беру ниеті туралы хабарлады. Ол қоғамды «бұрмаланған» жаңалықтармен жаңылыстыратын «үшінші сортты сайқымазақтардың» Доғал кабинетті «ластауына» жол бермеу керек екенін айтқан.