Қазақстан құрамасы Ұлттар лигасы алдында екі ойыншысынан айырылды

Қазақстан футбол құрамасы Ұлттар лигасындағы қарсаңындағы матчтар алдында кадрлық қиындыққа тап болды. Жарақатына байланысты қорғаушы Әлібек Қасым мен вингер Ислам Чесноков ұлттық құрамаға көмектесе алмайды, деп хабарлайды Kursiv.Media Қазақстан футбол федерациясына сілтеме жасап.

Қазақстан футбол федерациясының мәліметінше, «Астана» қорғаушысы Әлібек Қасым құраманың сырт алаңдағы екі кездесуіне қатыспайды. Қазақстан 26 қыркүйекте Торсхавнда Фарер аралдарымен, ал 29 қыркүйекте Кошицеде Словакиямен кездеседі.

Қасымның одан кейінгі матчтарға қатысу-қатыспауы оның жарақаттан қалпына келуіне байланысты анықталады. Қазақстан құрамасы 2 қазанда Молдованы, 6 қазанда Фарер аралдарын қабылдайды. Екі кездесу де «Астана Аренада» өтіп, Қазақстан уақытымен сағат 19:00-де басталады.

Ал «Крылья Советов» футболшысы Ислам Чесноковтың жарақаты күрделірек. ҚФФ мәліметінше, ол ұлттық құраманың алдағы төрт кездесуінің ешқайсысына қатыса алмайды.

Қазақстан құрамасы УЕФА Ұлттар лигасының 2026/27 жылғы маусымында C дивизионының үшінші тобында өнер көрсетеді. Қарсыластары – Словакия, Молдова және Фарер аралдары.

Еске сала кетейік, бұған дейін жарақатына байланысты Дастан Сәтбаев та ұлттық құрамаға шақыру алмаған еді.