Алматы марафонына байланысты қаладағы бірқатар жол жабылады

27 қыркүйекте Алматыда өтетін марафонға байланысты жарыс өтетін күні қаланың бірқатар көшесінде көлік қозғалысына уақытша шектеу қойылады. Бұл туралы қала әкімдігіне сілтеме жасаған Kursiv Media хабарлайды.

Жолдар 06:00-ден 13:30-ға дейін кезең-кезеңімен жабылады. Марафонға қатысушылар жолдың тиісті бөлігінен өткеннен кейін қозғалыс қайта ашылады.

Жол қозғалысына енгізілетін негізгі шектеулер:

Достық даңғылы (Сәтбаев көшесінен Құрманғазы көшесіне дейін) – 26 қыркүйек 20:00-ден 27 қыркүйек 13:00-ге дейін екі бағытта жабылады.
Абай даңғылы (Достық даңғылынан Назарбаев даңғылына дейін) – 26 қыркүйек 15:00-ден 27 қыркүйек 15:00-ге дейін жабық болады.
Сәтбаев көшесі (Желтоқсаннан Назарбаев даңғылына дейін) – 26 қыркүйек 06:00-ден 28 қыркүйек 00:00-ге дейін екі бағытта жабылады.
Желтоқсан көшесі (Абай даңғылынан Сәтбаев көшесіне дейін) – 26 қыркүйек 20:00-ден 27 қыркүйек 18:00-ге дейін жабылады.
Абай даңғылының Момышұлы – Сейфуллин аралығы – бір бағытта 06:00-09:15 аралығында, кері бағытта 08:00-10:35 аралығында шектеледі.
Сәтбаев көшесінің Желтоқсан – Масанчи аралығы – 08:40-10:55 аралығында екі бағытта жабылады.
Бөгенбай батыр көшесі (Достық – Масанчи) – 08:35-11:15 аралығында жабық болады.
Қабанбай батыр көшесі (Достық – Масанчи) – 08:50-12:00 аралығында жабылады.
Шевченко көшесі (Достық – Мұратбаев) – 09:05-12:50 аралығында жабылады.
Достық даңғылы (Құрманғазы – Бөгенбай батыр) – 08:30-12:50 аралығында жабылады.
Құрманғазы көшесі (Достық – Мұратбаев) – 09:25-13:30 аралығында толық жабылады.
Наурызбай батыр көшесі (Құрманғазы – Абай) – 09:35-13:30 аралығында жабылады.
Абай даңғылы (Сейфуллин – Назарбаев) – 06:00-13:30 аралығында толық жабылады.

Жүргізушілерге балама ретінде әл-Фараби даңғылы мен Төле би көшесін пайдалануға болады. Марафонның старты Абай алаңында, ал мәресі Республика алаңында орналасады.

Ұйымдастырушылардың мәліметінше, жолдарды жабу уақыты марафонға қатысушылардың қозғалыс кестесіне қарай белгіленген.

Оқи отырыңыз: Алматыда қай жерде тегін жүгіруге болады: жүгірушілерге нұсқаулық