Тоқаев Қорғаныс министрлігін кешенді тексеру үшін арнайы комиссия құрды
Жарияланды
Президент Қасым-Жомарт Тоқаевтың өкімімен Қазақстанның Қорғаныс министрлігіндегі істердің жай-күйіне кешенді тексеру жүргізетін арнайы комиссия құрылды. Бұл туралы Ақорда хабарлады.
Комиссия Қорғаныс министрлігіндегі қазіргі жағдайды кешенді түрде тексереді. Әзірге оның құрамы, тексерудің нақты бағыттары мен мерзімі туралы қосымша ақпарат жарияланған жоқ.
Бұған дейін Маңғыстау облысында оқу-жаттығу кезінде оқу-жауынгерлік міндетті орындау барысында әскери қызметшілер қаза болған еді. Қорғаныс министрі Дәурен Қосанов қаза тапқан әскери қызметшілердің отбасыларына барып, көңіл айтты.
