Қазақстан-Қытай шекарасында автокөлік өткізу бекеті үш күнге жабылады

Қазақстан-Қытай шекарасындағы автомобиль өткізу бекеттері 1-3 қазан аралығында үш күнге жұмысын тоқтатады, деп хабарлайды Kursiv.Media.

Қаржы министрлігінің Мемлекеттік кірістер комитеті хабарлауынша, шектеу Қытайдың құрылған күніне байланысты енгізіледі. Осы күндері шекара арқылы адамдарды, көліктер мен жүктерді өткізу жүргізілмейді.

Ал теміржол өткізу бекеттері штаттық режимде жұмысын жалғастырады.

Мемлекеттік кірістер комитеті шекарадан өтуді жоспарлаған азаматтар мен тасымалдаушыларды аталған шектеуді алдын ала ескеруге шақырды.

15 қыркүйектен бастап Қытайда елге кіру және шығудың жаңартылған ережелері күшіне енді. Қытайда шетелдік туристер ұсынатын құжаттар мен мәліметтерді тексеру күшейтілді.

Айта кетейік, осыған дейін 2026 жылдың бірінші жартыжылдығында Қазақстан мен Қытай арасындағы жүк тасымалының көлемі 9%-ға артқан еді.