Қазақстан қылмыскерлерді ТМД елдері бойынша онлайн іздей алады

Құрылтай ТМД елдері арасында мемлекетаралық іздестіру кезінде электронды ақпарат алмасуды көздейтін хаттаманы ратификациялау туралы заңды екі оқылымда қабылдады, деп хабарлайды Kursiv.Media.

Хаттама 2024 жылғы 8 қазанда Мәскеуде жасалған. Құжат 2010 жылғы ТМД-ға қатысушы мемлекеттердің адамдарды мемлекетаралық іздестіру туралы келісіміне өзгерістер енгізуді қарастырады.

Ішкі істер министрінің міндетін атқарушы Санжар Әділовтің айтуынша, Достас елдердің құзыретті органдары іздестіру шаралары барысында ақпаратты электронды форматта алмаса алады. Бұл адамдарды іздеу және олардың жүрген жерін анықтау бойынша бірлескен іс-қимылды жеделдетуге мүмкіндік береді.

Жаңа тәртіп сот шешімдерін орындаудан жалтарып жүрген, хабар-ошарсыз кеткен, сондай-ақ туыстарымен байланысын жоғалтқан немесе өзі туралы мәлімет бере алмайтын адамдарды іздестіру кезінде қолданылмақ.

Хаттаманы ратификациялау ТМД елдері арасында іздестіру іс-шаралары кезінде электронды ақпарат алмасудың құқықтық негізін қалыптастырады.

Сондай-ақ Қазақстан Қатармен де қылмысқа қарсы күресте ынтымақтастықты күшейтеді.