Су басқан Нью-Джерси көшелеріне акула жүзіп келген

АҚШ-тың Нью-Джерси штатында қатты дауыл тұрып, су тасқыны болған. Сол кезде акула көшеде жүзіп жүрген, деп хабарлайды Kursiv.media.

Futurizm ақпаратына қарағанда, демалыс күндері болған күшті солтүстік-шығыс дауылы қалаларды су басуына себеп болды.

Су басқан көшелердің бірінде жергілікті тұрғын акуланың жүзіп жүргенін видеоға түсірген.

Зерттеуші Грег Скомалдың айтуынша, видеодағы акула тегіс итбалық акуласы болуы мүмкін. Бұл – шағын әрі адамға қауіпті емес акула түрі.

Акула кейін Барнегат шығанағына қарай жүзіп кеткен.

Дауыл Нью-Джерси мен Нью-Йоркке қатты әсер етіп, кей аудандарда төтенше жағдай жарияланды.

Сағатына 60 мильден (шамамен 97 км/сағ) жоғары жел ағаштарды құлатып, Бруклинде 56 жастағы ер адамның қаза болуына себеп болған. Нью-Джерсиде көптеген үйлерді су басқан.

Айта кететін жайт, әлемде акуланың 520-ға жуық түрі кездеседі. Қазірге дейін тіркелген шабуылдарға олардың тек он шақты түрінің ғана қатысы бар.