Қазақстанның әскери әуе айлағы тағы бір ұшақпен толығады

Airbus Defence and Space компаниясы Қазақстанға екінші Airbus A400M әскери-көлік ұшағын тапсыруға дайындалып жатқанын хабарлады, деп жазады Kursiv.Media.

Компанияның мәліметінше, ұшақ қазақстандық ұлттық айырым белгілерімен боялып, қазіргі уақытта техникалық қабылдау процедурасынан өтіп жатыр.

Екінші A400M тапсырылғаннан кейін Қазақстанның жеке құрамды, техника мен гуманитарлық жүктерді тасымалдау мүмкіндіктерін арттыруы тиіс.

Қазақстан бұл типтегі әуе кемесінің тоғызыншы тапсырыс берушісі атанып, 2021 жылы екі A400M ұшағына тапсырыс берген. Алғашқы ұшақ елге 2024 жылдың желтоқсанында жеткізілді. Ол кезде Airbus екінші бортты 2026 жылы жеткізу жоспарланып отырғанын хабарлаған.

A400M тактикалық та, стратегиялық та тасымалдау тапсырмаларын орындауға арналған. Ұшақ ауыр әрі ірі көлемді жүктерді тасуға, қысқа және дайындалмаған ұшу-қону жолақтарында жұмыс істеуге, сондай-ақ жеке құрам мен жүктерді десанттауға қабілетті.

Airbus мәліметінше, A400M 25 тоннаға дейін жүк немесе 116 десантшыны тасымалдай алады. Бұл типтегі ұшақтар гуманитарлық және эвакуациялық операцияларда да қолданылады.

Екінші борт жеткізілгеннен кейін Қазақстанның өкілеттілігінде Airbus компаниясымен келісімшартта көзделген екі A400M ұшағы болады.

Сонымен бірге, күні кеше Ақтөбе облысы да шағын авиацияны дамыту үшін L-410 ұшақтарын сатып алатынын хабарлаған еді.