Ақтауда қызметтік көлікпен бала қағып кеткен бұрынғы полицей сотталды

Көктемде Ақтауда қызметтік көлікпен бүлдіршіннің өліміне кінәлі бұрынғы полиция қызметкері сотталды, деп хабарлайды Kursiv.Media.

LADA басылымының ақпаратына сүйенсек, оқиға 13 мамырда 27-шағынауданда болған. Жергілікті БАҚ мәліметінше, жол апатынан бір жарым жастағы бала қаза тапқан.

Сот ер адамды ҚР Қылмыстық кодексінің 345-бабы 3-бөлігі бойынша, яғни көлік құралдарын пайдалану немесе жол қозғалысы ережелерін бұзып, абайсызда адамның өліміне әкеп соққан әрекет үшін кінәлі деп таныды.

Сот шешімімен оған 1 жыл 6 айға бас бостандығынан айыру жазасы тағайындалып, 5 жылға көлік жүргізу құқығынан айырылды.

Моральдық-материалдық зиянды өтеу мәселесі соттан тыс тәртіппен шешілген.

Сот үкімі заңды күшіне енді.

Айта кетейік, осыған дейін Ақтауда жалған жүктілік анықтамасын ұсынған әйел 15 тәулікке қамалған еді.