«Панатинаикос» «Қайратқа» қарсы матчқа 24 футболшысын алып келеді

Грекиялық «Панатинаикос» футбол клубының бас бапкері Якоб Нееструп алматылық «Қайратқа» қарсы өтетін УЕФА Конференция лигасының матчына қатысатын ойыншылар тізімін анықтады. Команда Қазақстанға 24 футболшымен келеді, деп хабарлайды Kursiv Media грек басылымы Sport FM-ге сілтеме жасап.

Грекиялық клубтың Алматыға келетін құрамына бірнеше негізгі ойыншы енбеген. Атап айтқанда, Кристиансен, Адриано Ягушич және Аззедин Унаи «Қайратқа» қарсы матчқа қатыспайды.

«Панатинаикостың» Алматыға келетін құрамы

Қақпашылар мен алаң ойыншыларын қоса есептегенде, бас бапкер 24 футболшыны таңдаған.

Олар: Пенья, Коцарис, Гитонас, Калабрия, Цапрас, Кириакопулос, де Врей, ван Дронгелен, Палмер-Браун, Катрис, Камара, Кангва, Луза, Чиривелья, Контурис, Биниарис, Таборда, Пельистри, Антино, Ливай Гарсия, Тетей, Дессерс, Растодер және Нембис.

Грекиялық команда 20 қазан күні таңертең Қазақстанға ұшады. Ал УЕФА Конференция лигасының жалпы кезеңіндегі екінші тур кездесуі 22 қазанда Алматының Орталық стадионында өтеді. Ойын сағат 19:30-да басталады.

Алматылық клуб бірінші турда Латвияның «Рига» клубымен сырт алаңда кездесіп, 1:1 есебімен тең түскен болатын.

Айта кетейік, «Қайрат» – «Панатинаикос» матчына билеттер сатылымға шықты. Олардың бағасы 4 мыңнан 15 мың теңгеге дейін белгіленген. Билеттерді Qairat SuperApp және Freedom SuperApp қосымшаларынан сатып алуға болады.