Шымкенттегі пәтерлердің бірінде екі бала жұмбақ жағдайда қайтыс болды

Шымкенттегі «Восток» шағынауданында бес қабатты үйдің пәтерінен екі баланың мәйіті табылды. Төрт жастағы ұл мен 15 жастағы қыз көз жұмған. Тағы үш адам ауруханаға жеткізілді деп жазады Kursiv Media Отырар арнасына сілтеме жасап. 

Қайғылы оқиға болған бірінші қабаттағы пәтерді екі отбасы жалдап тұрған. Көршілердің сөзінше, екі құрбы және олардың үш баласы. Соңғы рет отбасы мүшелерінің бірі туыстарына телефон соғып,  көмек сұраған екен. 

Қазіргі уақытта балалардың неден қайтыс болғаны белгісіз. Бастапқыда газдан уланды деген болжам айтылған еді. Алайда оқиға орнына келген апаттық қызмет мамандары пәтерден газын иісін анықтамаған.

«Апаттық бригада мамандары қажетті өлшеу жұмыстарын жүргізді, газ мөлшері анықталған жоқ. Нақты қорытынды сараптамалар жүргізіліп, тергеу аяқталғаннан кейін ғана жасалады», – деп хабарлады QazaqGaz Aimaq акционерлік қоғамы.