2027 жылғы футболдан әлем чемпионаты Өзбекстан мен Әзербайжанда өтеді

ФИФА 2027 жылы 20 жасқа дейінгі футболшылар арасындағы әлем чемпионатының өтетін мерзімін жариялады. Әлемдік дода 17 қыркүйек пен 9 қазан аралығында Әзербайжан мен Өзбекстанда ұйымдастырылады, деп хабарлайды Kursiv Media.

ФИФА таратқан ақпаратқа сәйкес, екі ел әлемнің үздік жас футболшыларын қабылдап, халықаралық турнирді бірлесіп өткізеді. Жарыс 2027 жылғы 17 қыркүйек пен 9 қазан аралығында өтеді.

Турнирдің ерекшелігі – 20 жасқа дейінгі футболшылар арасындағы әлем біріншілігін Әзербайжан мен Өзбекстанның бірлесіп қабылдауы. Екі елде де чемпионат аясындағы кездесулер ұйымдастырылады.

ФИФА өкілдері жарысты қабылдайтын мемлекеттерге сәттілік тілеп, футбол жанкүйерлерін алдағы турнирге шақырды.

Айта кетейік, 20 жасқа дейінгі футболшылар арасындағы әлем чемпионаты жас ойыншылардың халықаралық деңгейде тәжірибе жинақтап, өздерін көрсетуіне мүмкіндік беретін ірі турнирлердің бірі саналады.

Алдағы уақытта жарыс матчтары өтетін қалалар, стадиондар және турнирдің толық күнтізбесі туралы қосымша ақпарат жарияланады.

Бұған дейін, Қазақстан футзалдан 2030 жылғы Еуропа чемпионатын өткізуге өтініш жіберді.