Ринат Зайыт Қорғаныс министрлігіне қарасты орталықтың басшысы болып тағайындалды

Айтыскер ақын Ринат Зайыт Қазақстан Қарулы күштері Ұлттық әскери-патриоттық орталығының басшысы қызметіне тағайындалды. Бұл туралы ол YouTube желісіндегі Adal ADAM арнасына берген сұхбатында мәлімдеді, деп хабарлайды Kursiv Media.

Ринат Зайыттың айтуынша, ол жаңа қызметіне қазан айының басында кіріскен. Оны Қорғаныс министрлігіне қарасты орталыққа жаңадан тағайындалған министр шақырған.

«Қазанның басында жаңа Қорғаныс министрінің шақыртуымен Қорғаныс министрлігіне қарасты Ұлттық әскери-патриоттық орталыққа келдім. Бұл орталық әскери ансамбль, оркестр, патриоттық және мәдени іс-шараларды ұйымдастыруға жауапты», – деді Зайыт.

Ұлттық әскери-патриоттық орталық Қазақстан Қарулы күштерінің әскери-патриоттық және мәдени бағыттағы жұмыстарымен айналысады. Оның қызметіне әскери ансамбльдер мен оркестрлердің жұмысын ұйымдастыру, сондай-ақ патриоттық және мәдени іс-шаралар өткізу кіреді.

Айта кетейік, Ринат Зайыт 2023–2026 жылдары VIII шақырылымдағы Қазақстан Республикасы Парламенті Мәжілісінің депутаты болды. Ол Мәжілістің Әлеуметтік-мәдени даму комитетінің құрамында жұмыс істеді.