Атырауда шенеуніктің қазасынан кейін қылмыстық іс қозғалды
Жарияланды
Атырауда департамент басшысының қазасынан кейін қылмыстық іс қозғалды. Алайда қай бап бойынша іс қозғалғаны белгісіз.
«Аталған дерек бойынша қылмыстық іс қозғалып, кешенді тергеу амалдары жүргізіліп жатыр. Өзге ақпарат тергеу мүддесіне сәйкес жарияланбайды», – деп хабарлады облыстың полиция департаменті.
Айта кетейік, халықты әлеуметтік қорғау саласындағы реттеу және бақылау комитетінің Атырау облысы бойынша департамент басшысы Бауыржан Асаиновтың мәйіті 18 қазанда пәтер ішінен табылған.
