Қасым-Жомарт Тоқаев Мемлекеттік ту көтеру рәсіміне қатысты
Жарияланды
Президент Қасым-Жомарт Тоқаев Республика күніне орай Мемлекеттік туды көтеру рәсіміне қатысты. Салтанатты шара Астанадағы Ақорда резиденциясының алдындағы алаңда өтті.
Алдымен Құрмет қарауылы ротасының бастығы Президентке рапорт берді. Одан кейін Мемлекеттік ту көтеріліп, Қазақстанның Әнұраны орындалды.
Мемлекеттік туды көтеру рәсімі еліміздің барлық өңірінде жалғасады.
Еске салайық, мұның алдында Қасым-Жомарт Тоқаев қазақстандықтарды ұлттық мереке – Республика күнімен құттықтады. Мемлекет басшысы бұл мерекенің қазақ мемлекеттілігінің қайта жаңғыруын бейнелейтінін атап өтті.
