Microsoft 60 мың қызметкеріне өз еркімен жұмыстан кетуді ұсынды

Жыл соңына дейін Microsoft компаниясы жасанды интеллект инфрақұрылымына 175 млрд доллар жұмсауды жоспарлап отыр, деп хабарлайды Kursiv.Media.

CBS News ақпаратынша, Microsoft компаниясы жасанды интеллектіге көбірек инвестиция құюды жоспарлап отыр. Осыған байланысты компания 60 мыңдай қызметкеріне өз еркімен жұмыстан кетуді ұсынды.

Microsoft Канада, Үндістан, Ұлыбритания және АҚШ-тағы қызметкерлерге арналған акцияларды кейіннен сатып алу бағдарламасын жариялады. Ұсыныс орта буын қызметкерлеріне қолжетімді.

«Бұл ұсыныс талаптарға сай келетін және компаниядан кетуді жоспарлап жүрген қызметкерлерге қазіргі сәтте қолдау арқылы басқа жұмысқа ауысуға жаңа мүмкіндік береді», – деді Microsoft компаниясының персонал жөніндегі директоры Эми Коулман.

Бұған дейін жарияланған мәліметтерге сәйкес, жыл соңына дейін компания жасанды интеллект инфрақұрылымына, соның ішінде деректерді өңдеу орталықтарына (дата-центрлерге) инвестиция салуды қосқанда, 175 миллиард доллар жұмсауды жоспарлап отыр.

Маусым айының соңындағы мәлімет бойынша, Microsoft компаниясының бүкіл әлемдегі қызметкерлерінің саны 223 мың адамды құраған.

Бұл Microsoft-тың 2026 жылы акцияларды өз еркімен кейіннен сатып алу туралы екінші ұсынысы. Мамыр айында компания АҚШ-тағы шамамен 8 750 қызметкеріне акцияларды қайта сатып алуды ұсынған болатын. Шілдеде Microsoft 4 800 жұмыс орнын, соның ішінде Xbox бейнеойындарды әзірлеу бөлімшесінің қызметкерлерін қысқартатынын хабарлады.