Мемлекет басшысы ауыл шаруашылығы өнімдерін терең өңдеуді дамытуға және осы саладағы тиімді жобаларды қолдауға шақырды, деп хабарлайды Kursiv.media.
Оның айтуынша, Түркістан облысында қытай компаниясы заманауи мақта-тоқыма кластерін құрып жатыр.
Тоқаевтың сөзінше, Қызылорда облысының шаруалары қатаң климатқа қарамастан жүгері мен соя өсіріп, оларды өңдеумен айналысады. Ал Түркістан облысында суды тиімді пайдаланатын мақта-тоқыма кластері құрылып жатыр.
Президент үкіметке осындай озық тәжірибелерді ел аумағында кеңінен таратып, инвесторларға уақытылы қолдау көрсетуді тапсырды.
Мемлекет басшысы мал шаруашылығында да заманауи тәсілдерді қолдану қажет екенін айтты. Қазір Солтүстік Қазақстан облысының тәжірибесі негізінде елімізде 71 тауарлы-сүт фермасы іске қосылған. Олар жыл сайын 462 мың тоннадан астам сүт өндіреді.
Сонымен қатар Ақмола облысында шетелдің озық тәжірибесіне сүйеніп, ет кластері құрылып жатыр. Тоқаев мұндай жобаларды қолдап, қажет болған жағдайда қаржыландыру керегін атап өтті.
Тағы да оқыңыз: Президент инфрақұрылымды жаңарту үшін жеке инвестиция тартуды тапсырды
