Дана Медеуова «Қазақстан балалары» депутаттық тобының жетекшісі болды

Құрылтай депутаты Дана Медеуова «Қазақстан балалары» депутаттық тобының жетекшісі болды. Бұл туралы Құрылтайдың баспасөз қызметі хабарлады. 

Дана Медеуова Орталық Азия елдерінің бала құқықтары жөніндегі уәкілдерінің «Балалар үні: ұлттық стратегиялар және қауіпсіз цифрлық орта» ІІ халықаралық форумында сөз сөйлеген. 

Ол балаларды қорғау саласындағы мәселелерді шешуде депутаттық топ жұмыс істейтінін жариялады.

«Біздің мақсатымыз – балалардың құқықтарын қорғау, қауіпсіздігін қамтамасыз ету, денсаулығы мен тұрмыс жағдайын жақсарту мәселелерін заң шығару қызметінде басты назарда ұстау», – деді Медеуова.

Бұған дейін Дана Медеуова денсаулық сақтау саласындағы мәселелерге қатысты депутаттық сауал жолдап, медицина қызметкерлерінің кәсіби мәртебесі мен құқықтарын заңмен бекітуді ұсынды. Айтуынша, медицина маманы кәсібіне қатысы жоқ есеп-қисап пен құжат толтыруға уақыт жұмсамай, негізгі жұмысына науқасты емдеуге көбірек көңіл бөлуі керек.