Тоқаев Алжир халқын ұлттық мейрамымен құттықтады
Жарияланды
Президент Қасым-Жомарт Тоқаев Алжир Президентіне құттықтау жеделхатын жолдады, деп хабарлайды Kursiv.media.
Ақорданың ақпаратына қарағанда, Қазақстан президенті Тоқаев әріптесі Әбделмәжид Теббунды Алжир Халық Демократиялық Республикасының ұлттық мейрамы – Революция күнімен құттықтаған.
«Президент достық пен өзара түсіністікке негізделген ынтымақтастық қос халықтың игілігі жолында ұдайы дами беретініне сенім білдірді», – делінген ақпаратта.
Қасым-Жомарт Тоқаев Әбделмәжид Теббунның жауапты қызметіне табыс, ал Алжир халқына құт-береке тіледі.
Мұның алдында Президент Испаниядағы қайғылы оқиғаға байланысты көңіл айтқан еді.
