Ұлытау облысында төрт қабатты үй өртеніп, 4 адам құтқарылды
Жарияланды
Ұлытау облысында төрт қабатты үйден өрт шығып, бірінші қабаттағы ас үй жанған, деп хабарлайды Kursiv.media.
ТЖМ ақпаратынша, Жезқазған қаласында жалын шыққан үйдің асүй жиһазы мен тұрмыстық техникасы өртенген.
«Өрт сөндірушілердің жедел әрекетінің арқасында баспалдақ арқылы 7 адам эвакуацияланды. Тағы 4 адам арнайы құтқару қалпақтарының көмегімен құтқарылды», – делінген ақпаратта.
ТЖМ мәліметінше, өрт 12 шаршы метр аумақты шарпыды. Тілсіз жау толық сөндірілді.
Зардап шеккендер жоқ. Өрттің шығу себебі анықталуда.
Айта кететін жайт, мұның алдында Атырауда өртеніп жатқан үйден жеті адам құтқарылған болатын.
