Газ бағасы бір жылда 34,8%-ға өсті: тағы не қымбаттады

Қазақстанда желі арқылы жеткізілетін газ бір жылда 34,8%-ға қымбаттады. Ұлттық статистика бюросының мәліметінше, 2026 жылғы қазанда тұрғын үй қызметтері, су, электр энергиясы, газ және өзге де отын түрлерінің бағасы былтырғы қазан айымен салыстырғанда 11,2%-ға өскен.

Газ қымбаттап, су бағасы төмендеді

Тұрғын үйді жалға алу ақысы бір жылда 17,4%-ға артты. Тұрғын үй-жайларға қызмет көрсету, жөндеу және қауіпсіздікті қамтамасыз ету қызметтері 12,3%-ға қымбаттаған.

Коммуналдық тарифтер қаншалықты өзгерді?

Тұрғын үй-коммуналдық қызметтер бағасының бір жылдағы өзгерісі · 2026 жылғы қазан

🏠

Тұрғын үй қызметтері, су, электр энергиясы, газ және отынның басқа да түрлері

+11,2%

🔑

Тұрғын үйді жалға алу

+17,4%

Инфляцияға үлесі: +0,292 п.т.

🔥

Тарату желілері арқылы тасымалданатын газ

+34,8%

Инфляцияға үлесі: +0,263 п.т.

🛠️

Тұрғын үй-жайларға қызмет көрсету, жөндеу және қауіпсіздікті қамтамасыз ету

+12,3%

Инфляцияға үлесі: +0,151 п.т.

🧯

Сұйытылған газ

+9,9%

Инфляцияға үлесі: +0,017 п.т.

🛗

Лифт үшін төлем

+5,8%

Инфляцияға үлесі: +0,010 п.т.

🔔

Домофон

+9,3%

Инфляцияға үлесі: +0,016 п.т.

🏢

Тұрғын үйді күтіп ұстау және қызмет көрсету

+7,2%

Инфляцияға үлесі: +0,038 п.т.

🪵

Қатты отын

+6,1%

Инфляцияға үлесі: +0,044 п.т.

♨️

Ыстық су

+2,7%

Инфляцияға үлесі: +0,007 п.т.

🗑️

Қоқыс шығару

+3,3%

Инфляцияға үлесі: +0,010 п.т.

⚡

Электр энергиясы

+7,9%

Инфляцияға үлесі: +0,116 п.т.

🌡️

Орталықтан жылыту

+0,7%

Инфляцияға үлесі: +0,005 п.т.

🚰

Суды бұру

−0,8%

Инфляцияға үлесі: −0,001 п.т.

💧

Суық су

−1,7%

Инфляцияға үлесі: −0,009 п.т.

Көрсеткіштер коммуналдық қызметтер бағасының бір жылдағы өзгерісін көрсетеді. Пайыздық тармақ – әр қызметтің жалпы инфляцияға қосқан үлесі.

баға өсті баға төмендеді

Сұйытылған газ бағасы 9,9%-ға, домофон қызметінің ақысы 9,3%-ға, электр энергиясы 7,9%-ға өсті. Тұрғын үйді күтіп ұстау және қызмет көрсету ақысы 7,2%-ға, қатты отын бағасы 6,1%-ға, лифт үшін төлем 5,8%-ға көтерілді.

Қоқыс шығару қызметі 3,3%-ға, ыстық су 2,7%-ға, орталықтан жылыту 0,7%-ға қымбаттады. Ал суық су бағасы бір жылда 1,7%-ға, суды бұру қызметінің ақысы 0,8%-ға төмендеген.