Toyota үш моделін жаңартты – Land Cruiser FJ, RAV4, Crown Estate қалай өзгерді
Toyota үш моделін жаңартты, енді Land Cruiser FJ, RAV4, Crown Estate жаңа нұсқа да шықты, деп хабарлайды Kursiv.media.
Toyota компаниясы RAV4 моделін ішінара жаңартып, 2 қарашада таныстырды. Қосылатын гибридті қозғалтқышпен жабдықталған нұсқасы 2027 жылдың 6 қаңтарынан бастап сатылымға шығады.
RAV4: Жаңа Multi-Terrain Select жүйесі
Бұл жүйенің жол талғамайтын мүмкіндіктері жетілдірілген. Бұл толық жетекті модельдің тартымдылығы мен практикалық қолданысын арттыруға бағытталған.
Multi-Terrain Select жүйесі жол жабынының жағдайына сәйкес қажетті режимді таңдау арқылы толық жетектің тиімділігін барынша арттырады.
Жүйеге екі жаңа режим қосылды. TRAIL режимінің жол талғамайтын мүмкіндіктері де әртүрлі жол жағдайларына бейімделіп жетілдірілді.
MUD & SAND (Балшық пен құм) режимі
Балшық пен құм секілді дөңгелектердің батып қалу қаупі бар жолдарда жүйе тарту күшін реттеп, тежегіштердің жұмысын басқарады. Бұл дөңгелектердің белгілі бір деңгейде бос айналуына мүмкіндік береді. Бұл олардың балшық пен құмнан тазаруына көмектеседі. Нәтижесінде көліктің жол талғамайтын мүмкіндігі артады.
ROCK & DIRT (Тас пен топырақ) режимі
Кедір-бұдыр жолдарда жүйе тарту күшін оңтайлы үлестіріп, тежегіштерді басқара отырып, дөңгелектердің бос айналуын азайтады. Дөңгелектердің жол бетімен жанасуы жақсарып, көліктің қиын жолдардан өту мүмкіндігі мен қозғалыс тұрақтылығы артады.
Қозғалыс режимдерін ауыстыру анимациясы мен жүйенің жұмыс күйі көпфункционалды дисплейде көрсетіледі. Бұл жүргізушіге көлікті басқаруды жеңілдетеді.
Жаңарған Toyota Crown Estate
Toyota компаниясы Crown Estate (универсал) моделін ішінара жаңартқан. Әрбір комплектацияның сипаттамалары тұтынушылардың сұранысын қанағаттандыру мақсатында жетілдірілді. Сонымен қатар модельдің тартымдылығы мен өзіндік ерекшеліктері артты.
Toyota Crown Estate жаңа гибрид, заманауи жабдықтар мен премиум аудиожүйеге ие болды.
Жаңа гибридті нұсқалар
ESTATE Z (PHEV): 2,5 литрлік қосылатын гибридті қозғалтқыш, қуаты 306 ат күші. EV/HV режимдері, артқы орындықтарды жылыту және жетілдірілген климат-бақылау жүйесі қарастырылған.
ESTATE G (HEV): Қолжетімді бастапқы нұсқа. 19 дюймдік дискілер, LED фаралар, электрлі артқы есік, жасанды былғары орындықтар, алдыңғы орындықтар мен рульді жылыту функциялары бар.
Салон мен аудиожүйе жаңартылды
Crown Estate модельдерінде дыбыс сапасы жақсартылып, 10 динамик пен 8 арналы күшейткіші бар Toyota Premium Audio жүйесі орнатылды. Ол RS және Z комплектацияларында стандартты болады.
Жаңа жабдықтар мен түстер
RS және Z нұсқаларына Digital Key цифрлық кілті қосылды. Барлық комплектация суық климатқа арналған жабдықтармен толықтырылды. Жаңа Neutral Black және қара-көк түсті шанақ нұсқалары ұсынылды. RS салонына қоңыр түсті әрлеу қосылды. Руль мен беріліс ауыстырғышының дизайны жаңартылды.
Land Cruiser FJ қандай өзгеріске түсті
Land Cruiser FJ моделіне дөңгелек фаралар мен жол талғамайтын стильдегі бампер орнатылған.
TOYOTA компаниясы 2027 жылдың қаңтар айының басында сатылымға шығуы жоспарланған Land Cruiser FJ моделіне арналған жаңа сыртқы дизайн нұсқаларын таныстырған еді.
Жаңа дизайн ерекшеліктері
Land Cruiser FJ моделіне арналған жаңартуларға тоқталса, дөңгелек фаралар – Land Cruiser моделінің бұрынғы буындарын еске түсіретін классикалық дизайн. Өндіруші ұсынатын қосымша опция ретінде қолжетімді болады.
Жол талғамайтын стильдегі бампер – бұрыштары айқын әрі сүйір пішінде жасалған. Бұл көліктің жол талғамайтын бейнесін айқындай түседі. Дилер орнататын қосымша жабдық ретінде ұсынылады.
Аталған жаңа жабдықтарды 2027 жылдың қаңтар айының басында шығару жоспарланған.
Айта кететін жайт, Toyota Motor Corporation мен Waymo автономды көлік технологияларын дамыту үшін ынтымақтастығын кеңейтпек.
