Қазақстандағы ең қарт адам қайтыс болды

Ұлытауда Қазақстандағы ең қарт адам аталған Түймегүл Темірбаева қайтыс болды деп жазады Kursiv Media.

Түймегүл Темірбаева Жаңаарқа ауданы Қызылжар ауылында өмір сүрген. Ол 1910 жылы бірінші қаңтарда Жамбыл облысында дүниеге келген. 22 жасында Аязбай Темірбаевқа тұрмысқа шығып, Жаңаарқа ауданында көшіп барады. Ерлі-зайыпты төрт бала тәрбиелеп өсірді. Олардан 15 немере, 25 шөбере тараған.

«Түймегүл апа бір ғасырдан астам өмір сүріп, көптеген тарихи оқиғалардың куәгері болды. Оны таныған жандардың жүрегінде жарқын бейнесі мәңгі сақталады», – деп аудандық әкімдік арнайы көңіл айтты.

Туыстарының сөзінше, Түймегүл әже жасына қарамастан үй шаруасына араласып, ас үйге де көмектескен. Бала кезінен тірлікке араласып, бие сауып, қымыз дайындаған.

Оқи отырыңыз: Ұлытауда 116 жастағы қария дауыс берді